យុទ្ធសាស្ត្រពាណិជ្ជកម្ម ហេតុអ្វីអ្នកជំនួញត្រូវមានយុទ្ធសាស្ត្រជំនួញ? ជម្រើសយុទ្ធសាស្ត្រជំនួញ ជាសមញ្ញ ពាក្យថាយុទ្ធសាស្ត្រពាណិជ្ជកម្មគឺជា...
យុទ្ធសាស្ត្រពាណិជ្ជកម្ម
ហេតុអ្វីអ្នកជំនួញត្រូវមានយុទ្ធសាស្ត្រជំនួញ?
ជម្រើសយុទ្ធសាស្ត្រជំនួញ
ជាសមញ្ញ ពាក្យថាយុទ្ធសាស្ត្រពាណិជ្ជកម្មគឺជាការបង្កើតផែនការអាជីវកម្មមួយ ដែលឆ្លើយតមទៅនិងសំនួរធំៗចំនួន ៣៖
១ អ្វីទៅជាគោលដៅរបស់ក្រុមហ៊ុន?
២ តើធ្វើយ៉ាងណាដើម្បីសម្រេចនូវគោលដៅនេះ?
៣ តើមានមធ្យោបាយបែបណាខ្លះ ដែលក្រុមហ៊ុនត្រូវការ? សំដៅលើធនធានមនុស្ស និងប្រាក់កាស
ហេតុអ្វីអ្នកជំនួញត្រូវមានយុទ្ធសាស្ត្រជំនួញ?
ដើម្បីជោគជ័យនៅក្នុងការរកស៊ី យើងមិនអាចពឹងផ្អែកទៅលើព្រេងវាសនា ឬជោគជាតារាសីបានទេ គឺចាំបាច់ត្រូវតែមានយុទ្ធសាស្ត្រអាជីវកម្មផ្ទាល់ខ្លួន។ នៅពេលដែលអ្នកដឹកនាំក្រុមហ៊ុននោះចំណាយពេល ដើម្បីបង្កើតផែនការយុទ្ធសាស្ត្រ ឬផែនការអាជីវកម្មរបស់គាត់នេះ គឺគាត់អាចប៉ាន់ប្រមាណមើលឃើញទិដ្ឋាភាពជារួម នៃមុខរបររកស៊ីរបស់គាត់ដូចជា៖ ចំណូល និងចំណាយសំរាប់រយៈពេលខ្លី និងរយៈពេលវែង តើវាចេញមកពីប្រភពណាខ្លះ? តើក្នុងរយៈពេលប៉ុន្មានទើបអាចស្រង់ដើមមកវិញបាន? ហើយអ្នកណាខ្លះដែលជាដៃគូប្រគួតប្រជែង ដែលក្រុមហ៊ុនអាចជួបប្រទៈក្នុងទីផ្សារ?
ចំណុចទាំងអស់នេះហើយ ដែលធ្វើឲ្យក្រុមហ៊ុនអាចស្វែងយល់អំពីចំណុចខ្លាំង ចំណុចខ្សោយ ឱកាស និងការគំរាមកំហែង ដែលក្រុមហ៊ុនអាចជួប នៅពេលដែលខ្លួនបង្កើតផែនការអាជីវកម្ម និងបង្កើតការរកស៊ីរបស់ខ្លួន។ ដូច្នេះ ចំណុចដែលសំខាន់ក្នុងការរកស៊ីគឺជា ការស្គាល់ខ្លួនឯង និងការស្គាល់អ្នកដទៃ។
ជម្រើសយុទ្ធសាស្ត្រជំនួញ
ជាទូទៅនៅក្នុងប្រទេសកម្ពុជា ការប្រគួតប្រជែងរបស់ក្រុមហ៊ុនមួយៗ គេសង្កត់ធ្ងន់តែលើតម្លៃ និងគុណភាពផលិតផលរបស់ខ្លួន។ បានន័យថា អ្នកដែលផ្តោតលើតម្លៃគឺខិតខំយ៉ាងណាលក់ឲ្យបានថោកជាងគេ។ រីឯអ្នកដែលផ្តោតលើគុណភាពគឺខិតខំធ្វើយ៉ាងណាអោយគុណភាពផលិតផល របស់គេល្អជាងគេ។ ប៉ុន្តែយុទ្ធសាស្ត្រទាំងនេះធ្វើឲ្យក្រុមហ៊ុនមានការចំណាយច្រើន ហើយប្រាក់ចំណេញវិញគឺស្ថិតក្នុងភាពមានកំណត់។ កត្តាទាំងនេះហើយ ដែលក្រុមហ៊ុនតែងតែជួបប្រទៈ នៅពេលដែលមានដៃគូប្រគួតច្រើនក្នុងអាជីវកម្មរបស់ខ្លួន។
ដូច្នេះ ដើម្បីគេចចេញពីបញ្ហាទាំងអស់នេះ ក្រុមហ៊ុនគួរស្វែងរកបញ្ហាដែលជាចន្លោះប្រហោង ដែលមាននៅក្នុងទីផ្សារ។ ហើយបង្កើតនូវយុទ្ធសាស្ត្រមួយ ដើម្បីចាប់យកចំណែកដែលនៅទំនេរនេះ ដែលយុទ្ធសាស្ត្រនេះភាសាអង់គ្លេសហៅថា "blue ocean strategry"។
ឧទាហរណ៍៖
ប្រមាណជាង ១០ឆ្នាំមុន ផ្សារទំនើបនៅក្នុងប្រទេសកម្ពុជាមានប្រមាណជា មួយពីរប៉ុណ្ណោះ។ បានសេចក្តីថា ម្ចាស់ផ្សារនៅពេលនោះគ្មានដៃគូប្រគួតប្រជែងទេ។ ទោះបីជាការបង្កើតដំបូងមានភាពតូចតាចបន្តិចមែន ប៉ុន្តែយូរៗទៅ អតិថិជនកាន់តែស្គាល់ច្រើនឡើងៗ ហើយបូកផ្សំនិងភាពរីកចំរើនផ្នែកសេដ្ឋកិច្ចផងនោះ ធ្វើឲ្យម្ចាស់ផ្សារទទួលបានប្រាក់ចំណេញមួយក្នុងកម្រិតខ្ពស់។ ទំរាំតែអ្នកថ្មីដែលចង់បើកវិស័យនេះដែរ អ្នកដែលដំបូងនេះបានក្លាយជាអ្នកដឹកនាំនៅក្នុងវិស័យនេះរួចបាត់ទៅហើយ រីឯប្រាក់ទុនវិញក៏សន្សំបានក្រាស់ក្រែលដែរ។ អញ្ចឹងវាធ្វើឲ្យអ្នកដែលចូលមកថ្មីនេះពិបាកក្នុងការប្រគួតប្រជែង។ សំណួរគឺត្រូវធ្វើយ៉ាងណាដើម្បីរកឲ្យឃើញនូវចន្លោះប្រហោងដែលមានក្នុងទីផ្សារ ហើយបង្កើតឲ្យបាននូវយុទ្ធសាស្ត្រនេះ។
ជាចម្លើយ ដំបូងបំផុត យើងត្រូវស្វែងយល់ឲ្យបានទូលំទូលាយ នូវស្ថានភាពជាតិ និងអន្តរជាតិ ដូចជាកត្តាសេដ្ឋកិច្ច នយោបាយ សង្គម និងបច្ចេកវិទ្យា។ ហេតុអ្វីបានជាចាំបាច់យល់ដឹងអំពីកត្តាទាំងនោះ?
ជាឧទាហរណ៍ខ្លីមួយ នៅពេលវិបត្តិសេដ្ឋកិច្ច ដែលមានដើមកំណើតនៅសហរដ្ឋអាមេរិក។ គ្រាដំបូងវិបត្តិនេះមិនទាន់ជះឥទ្ធិពលអាក្រក់មកលើ សេដ្ឋកិច្ចកម្ពុជាភ្លាមទេ។ ប៉ុន្តែរយៈពេលប៉ុន្មានជាកន្លះឆ្នាំ ឬមួយឆ្នាំក្រោយមក វាបានជះឥទ្ធិពលអាក្រក់មកលើសេដ្ឋកិច្ចរបស់ប្រទេសយើង ជាពិេសស មកលើវិស័យអចលនទ្រព្យ។
ជំហានបន្ទាប់គឺការស្វែងយល់នូវឧស្សាហកម្មណា ដែលមានសក្តានុពល ដែលអាចផ្តល់នូវប្រាក់ចំណេញក្នុងកម្រិតខ្ពស់ ហើយដែលយើងមានសម្ថភាព និងធនធានអាចធ្វើទៅបាន។
ការវិភាគលើឧស្សាហកម្ម យើងត្រូវមើលលើកត្តាធំៗចំនួន ៥៖
១ អ្វីខ្លះជាឧប្បសគ្គដើម្បីបង្កើតនូវមុខជំនួញរបស់យើងបាន
២ អ្នកណាខ្លះជាអ្នកផ្គត់ផ្គង់
៣ អ្វីខ្លះជាផលិតផលជំនួស
៤ អតិថិជនរបស់យើងមានតំរូវការបែបណាខ្លះ
៥ ការវិភាគឲ្យបានល្អិតល្អន់លើដៃគូប្រគួតប្រជែងរបស់យើង ដើម្បីរកឲ្យឃើញនូវចំណុចណាខ្លះដែលល្អដែរ ដែលយើងគួរតែយកតំរាប់តាម ចំណុចណាខ្លះដែលគេមានជាចំណុចអាក្រក់ ហើយយើងគួរតែលុបបំបាត់ចោល ចំណុចណាទៀតដែលល្អដែរ ប៉ុន្តែមិនទាន់គ្រប់ជ្រុងជ្រោយ ដែលយើងគួរយកមកដើម្បីធ្វើការកែច្នៃបំពេញបន្ថែម ហើយចំណុចណាទៀត ដែលយើងគួរតែធ្វើការបង្កើតថ្មីទាំងស្រុងតែម្តង។
ជាសរុប ការអនុវត្តន៍ជំហានទាំងនេះវាធ្វើឲ្យក្រុមហ៊ុនគេចចេញពីការប្រគួតប្រជែងដោយផ្ទាល់។
The blue ocean strategy គឺស្វែងរកអាជីវកម្មដែលនៅមានចន្លោះប្រហោង។ ប៉ុន្តែវាផ្ទុយទៅនិងប្រទេសកម្ពុជាសព្វថ្ងៃ ដែលអ្នករកស៊ីតែងតែត្បុលក្បាលទៅរកស៊ីអ្វីដែលអ្នកដទៃរកស៊ីបានទាំងអស់គ្នា។ ហើយពេលឃើញអ្នកផ្សេងទៀតរកស៊ីបាន ក៏ត្បុលក្បាលទៅរកស៊ីជំនួញនោះផ្សេងទៀតដែរ។ ទាំងនេះគឺជាការដើរផ្ទុយបញ្ច្រាស់ពី យុទ្ធសាស្ត្រសមុទ្រខៀវនេះ។
និយាយជារួម យុទ្ធសាស្ត្រនេះចង់បង្ហាញអំពីអ្នកចូលមុន និងអ្នកចូលក្រោយ។
ហេតុអ្វីអ្នកជំនួញត្រូវមានយុទ្ធសាស្ត្រជំនួញ?
ជម្រើសយុទ្ធសាស្ត្រជំនួញ
ជាសមញ្ញ ពាក្យថាយុទ្ធសាស្ត្រពាណិជ្ជកម្មគឺជាការបង្កើតផែនការអាជីវកម្មមួយ ដែលឆ្លើយតមទៅនិងសំនួរធំៗចំនួន ៣៖
១ អ្វីទៅជាគោលដៅរបស់ក្រុមហ៊ុន?
២ តើធ្វើយ៉ាងណាដើម្បីសម្រេចនូវគោលដៅនេះ?
៣ តើមានមធ្យោបាយបែបណាខ្លះ ដែលក្រុមហ៊ុនត្រូវការ? សំដៅលើធនធានមនុស្ស និងប្រាក់កាស
ហេតុអ្វីអ្នកជំនួញត្រូវមានយុទ្ធសាស្ត្រជំនួញ?
ដើម្បីជោគជ័យនៅក្នុងការរកស៊ី យើងមិនអាចពឹងផ្អែកទៅលើព្រេងវាសនា ឬជោគជាតារាសីបានទេ គឺចាំបាច់ត្រូវតែមានយុទ្ធសាស្ត្រអាជីវកម្មផ្ទាល់ខ្លួន។ នៅពេលដែលអ្នកដឹកនាំក្រុមហ៊ុននោះចំណាយពេល ដើម្បីបង្កើតផែនការយុទ្ធសាស្ត្រ ឬផែនការអាជីវកម្មរបស់គាត់នេះ គឺគាត់អាចប៉ាន់ប្រមាណមើលឃើញទិដ្ឋាភាពជារួម នៃមុខរបររកស៊ីរបស់គាត់ដូចជា៖ ចំណូល និងចំណាយសំរាប់រយៈពេលខ្លី និងរយៈពេលវែង តើវាចេញមកពីប្រភពណាខ្លះ? តើក្នុងរយៈពេលប៉ុន្មានទើបអាចស្រង់ដើមមកវិញបាន? ហើយអ្នកណាខ្លះដែលជាដៃគូប្រគួតប្រជែង ដែលក្រុមហ៊ុនអាចជួបប្រទៈក្នុងទីផ្សារ?
ចំណុចទាំងអស់នេះហើយ ដែលធ្វើឲ្យក្រុមហ៊ុនអាចស្វែងយល់អំពីចំណុចខ្លាំង ចំណុចខ្សោយ ឱកាស និងការគំរាមកំហែង ដែលក្រុមហ៊ុនអាចជួប នៅពេលដែលខ្លួនបង្កើតផែនការអាជីវកម្ម និងបង្កើតការរកស៊ីរបស់ខ្លួន។ ដូច្នេះ ចំណុចដែលសំខាន់ក្នុងការរកស៊ីគឺជា ការស្គាល់ខ្លួនឯង និងការស្គាល់អ្នកដទៃ។
ជម្រើសយុទ្ធសាស្ត្រជំនួញ
ជាទូទៅនៅក្នុងប្រទេសកម្ពុជា ការប្រគួតប្រជែងរបស់ក្រុមហ៊ុនមួយៗ គេសង្កត់ធ្ងន់តែលើតម្លៃ និងគុណភាពផលិតផលរបស់ខ្លួន។ បានន័យថា អ្នកដែលផ្តោតលើតម្លៃគឺខិតខំយ៉ាងណាលក់ឲ្យបានថោកជាងគេ។ រីឯអ្នកដែលផ្តោតលើគុណភាពគឺខិតខំធ្វើយ៉ាងណាអោយគុណភាពផលិតផល របស់គេល្អជាងគេ។ ប៉ុន្តែយុទ្ធសាស្ត្រទាំងនេះធ្វើឲ្យក្រុមហ៊ុនមានការចំណាយច្រើន ហើយប្រាក់ចំណេញវិញគឺស្ថិតក្នុងភាពមានកំណត់។ កត្តាទាំងនេះហើយ ដែលក្រុមហ៊ុនតែងតែជួបប្រទៈ នៅពេលដែលមានដៃគូប្រគួតច្រើនក្នុងអាជីវកម្មរបស់ខ្លួន។
ដូច្នេះ ដើម្បីគេចចេញពីបញ្ហាទាំងអស់នេះ ក្រុមហ៊ុនគួរស្វែងរកបញ្ហាដែលជាចន្លោះប្រហោង ដែលមាននៅក្នុងទីផ្សារ។ ហើយបង្កើតនូវយុទ្ធសាស្ត្រមួយ ដើម្បីចាប់យកចំណែកដែលនៅទំនេរនេះ ដែលយុទ្ធសាស្ត្រនេះភាសាអង់គ្លេសហៅថា "blue ocean strategry"។
ឧទាហរណ៍៖
ប្រមាណជាង ១០ឆ្នាំមុន ផ្សារទំនើបនៅក្នុងប្រទេសកម្ពុជាមានប្រមាណជា មួយពីរប៉ុណ្ណោះ។ បានសេចក្តីថា ម្ចាស់ផ្សារនៅពេលនោះគ្មានដៃគូប្រគួតប្រជែងទេ។ ទោះបីជាការបង្កើតដំបូងមានភាពតូចតាចបន្តិចមែន ប៉ុន្តែយូរៗទៅ អតិថិជនកាន់តែស្គាល់ច្រើនឡើងៗ ហើយបូកផ្សំនិងភាពរីកចំរើនផ្នែកសេដ្ឋកិច្ចផងនោះ ធ្វើឲ្យម្ចាស់ផ្សារទទួលបានប្រាក់ចំណេញមួយក្នុងកម្រិតខ្ពស់។ ទំរាំតែអ្នកថ្មីដែលចង់បើកវិស័យនេះដែរ អ្នកដែលដំបូងនេះបានក្លាយជាអ្នកដឹកនាំនៅក្នុងវិស័យនេះរួចបាត់ទៅហើយ រីឯប្រាក់ទុនវិញក៏សន្សំបានក្រាស់ក្រែលដែរ។ អញ្ចឹងវាធ្វើឲ្យអ្នកដែលចូលមកថ្មីនេះពិបាកក្នុងការប្រគួតប្រជែង។ សំណួរគឺត្រូវធ្វើយ៉ាងណាដើម្បីរកឲ្យឃើញនូវចន្លោះប្រហោងដែលមានក្នុងទីផ្សារ ហើយបង្កើតឲ្យបាននូវយុទ្ធសាស្ត្រនេះ។
ជាចម្លើយ ដំបូងបំផុត យើងត្រូវស្វែងយល់ឲ្យបានទូលំទូលាយ នូវស្ថានភាពជាតិ និងអន្តរជាតិ ដូចជាកត្តាសេដ្ឋកិច្ច នយោបាយ សង្គម និងបច្ចេកវិទ្យា។ ហេតុអ្វីបានជាចាំបាច់យល់ដឹងអំពីកត្តាទាំងនោះ?
ជាឧទាហរណ៍ខ្លីមួយ នៅពេលវិបត្តិសេដ្ឋកិច្ច ដែលមានដើមកំណើតនៅសហរដ្ឋអាមេរិក។ គ្រាដំបូងវិបត្តិនេះមិនទាន់ជះឥទ្ធិពលអាក្រក់មកលើ សេដ្ឋកិច្ចកម្ពុជាភ្លាមទេ។ ប៉ុន្តែរយៈពេលប៉ុន្មានជាកន្លះឆ្នាំ ឬមួយឆ្នាំក្រោយមក វាបានជះឥទ្ធិពលអាក្រក់មកលើសេដ្ឋកិច្ចរបស់ប្រទេសយើង ជាពិេសស មកលើវិស័យអចលនទ្រព្យ។
ជំហានបន្ទាប់គឺការស្វែងយល់នូវឧស្សាហកម្មណា ដែលមានសក្តានុពល ដែលអាចផ្តល់នូវប្រាក់ចំណេញក្នុងកម្រិតខ្ពស់ ហើយដែលយើងមានសម្ថភាព និងធនធានអាចធ្វើទៅបាន។
ការវិភាគលើឧស្សាហកម្ម យើងត្រូវមើលលើកត្តាធំៗចំនួន ៥៖
១ អ្វីខ្លះជាឧប្បសគ្គដើម្បីបង្កើតនូវមុខជំនួញរបស់យើងបាន
២ អ្នកណាខ្លះជាអ្នកផ្គត់ផ្គង់
៣ អ្វីខ្លះជាផលិតផលជំនួស
៤ អតិថិជនរបស់យើងមានតំរូវការបែបណាខ្លះ
៥ ការវិភាគឲ្យបានល្អិតល្អន់លើដៃគូប្រគួតប្រជែងរបស់យើង ដើម្បីរកឲ្យឃើញនូវចំណុចណាខ្លះដែលល្អដែរ ដែលយើងគួរតែយកតំរាប់តាម ចំណុចណាខ្លះដែលគេមានជាចំណុចអាក្រក់ ហើយយើងគួរតែលុបបំបាត់ចោល ចំណុចណាទៀតដែលល្អដែរ ប៉ុន្តែមិនទាន់គ្រប់ជ្រុងជ្រោយ ដែលយើងគួរយកមកដើម្បីធ្វើការកែច្នៃបំពេញបន្ថែម ហើយចំណុចណាទៀត ដែលយើងគួរតែធ្វើការបង្កើតថ្មីទាំងស្រុងតែម្តង។
ជាសរុប ការអនុវត្តន៍ជំហានទាំងនេះវាធ្វើឲ្យក្រុមហ៊ុនគេចចេញពីការប្រគួតប្រជែងដោយផ្ទាល់។
The blue ocean strategy គឺស្វែងរកអាជីវកម្មដែលនៅមានចន្លោះប្រហោង។ ប៉ុន្តែវាផ្ទុយទៅនិងប្រទេសកម្ពុជាសព្វថ្ងៃ ដែលអ្នករកស៊ីតែងតែត្បុលក្បាលទៅរកស៊ីអ្វីដែលអ្នកដទៃរកស៊ីបានទាំងអស់គ្នា។ ហើយពេលឃើញអ្នកផ្សេងទៀតរកស៊ីបាន ក៏ត្បុលក្បាលទៅរកស៊ីជំនួញនោះផ្សេងទៀតដែរ។ ទាំងនេះគឺជាការដើរផ្ទុយបញ្ច្រាស់ពី យុទ្ធសាស្ត្រសមុទ្រខៀវនេះ។
និយាយជារួម យុទ្ធសាស្ត្រនេះចង់បង្ហាញអំពីអ្នកចូលមុន និងអ្នកចូលក្រោយ។
